Нууцлалын бодлого

Таны мэдээллийг Төгс форматив бридж ХХК (цаашид «Оператор») боловсруулна. Операторын хаяг, холбоо барих мэдээллийг хуудасны дээд хэсэгт харуулав; хувийн мэдээлэлтэй холбоотой хүсэлтийг тэнд заасан и-мэйлээр хүлээн авна.

Мэдээллийг зөвхөн тухайн зорилгод шаардлагатай, зохистой хэмжээнд цуглуулна:

• Бүртгэл: нэр (хуулийн этгээдийн нэр, улсын бүртгэлийн дугаар), утасны дугаар ба баталгаажсан эсэх, и-мэйл (имэйлээр бүртгүүлсэн бол), сонгосон хэл. Нууц үгийг зөвхөн шифрлэгдсэн хэлбэрээр хадгалах ба бид харах боломжгүй.
• Профайл: зураг, нүүр зураг, танилцуулга, хаяг, вэб сайт, боловсрол, ажлын туршлага — таны өөрөө оруулсан бол.
• Үйлчилгээ (зар): тайлбар, үнэ, зураг, холбоо барих утас, байршил (аймаг, дүүрэг, хороо, хаяг), газрын зураг дээрх цэг.
• Хүсэлт: мессеж, утасны дугаар, хаяг, газрын зураг дээрх цэг, хүссэн огноо, зураг.
• Үнэлгээ, сэтгэгдэл, пост (зураг, видео), хадгалсан зар, лайк, гомдол.
• Төлбөр: дүн, огноо, QPay-ийн гүйлгээний дугаар. Таны карт, банкны мэдээллийг бид авдаггүй — QPay болон банк боловсруулна.
• TsogtsCoin, зар, пост оруулах эрхийн бүртгэл.
• Зөвшөөрлийн бүртгэл: аль баримт бичгийн аль хувилбарыг, хэзээ зөвшөөрсөн.
• Техникийн мэдээлэл: нэвтрэлтийн бүртгэл (IP хаяг, хугацаа), сүлжээний хаягийн нууцлагдсан хэлбэр (хэт олон оролдлогоос хамгаалах, үзэлтийг тоолоход), хөтчийн күүки (11 дүгээр хэсэг).

Та заавал шаардлагатай мэдээллийг өгөхөөс татгалзвал холбогдох үйлчилгээг (жишээ нь бүртгэл, баталгаажуулалт, төлбөр) ашиглах боломжгүй болно; шалтгааныг маягтад тайлбарлана.

• бүртгэл үүсгэх, хэрэглэгчийг таних, платформын үйлчилгээг үзүүлэх: зар, хүсэлт, үнэлгээ, пост;
• үйлчилгээ үзүүлэгч, үйлчилгээ авагчийг хооронд нь холбох;
• TsogtsCoin, нэмэлт эрхийн бүртгэл хөтлөх; төлбөр хүлээн авах, и-баримт олгох;
• залилан, спам, халдлагаас хамгаалах, хүсэлт, гомдлыг шийдвэрлэх;
• үйлчилгээ үзүүлэгчид зарынхаа статистикийг (үзэлт, дуудлага) харуулах;
• хуулиар хүлээсэн үүргээ биелүүлэх.

Бид таны мэдээллийг худалддаггүй, сурталчилгааны болон гуравдагч этгээдийн маркетингийн зорилгоор өгдөггүй.

Олон нийтэд: нэр, профайл зураг, танилцуулга, таны байршуулсан зар (зард заасан утас, байршил), үнэлгээ, пост. Үйлчилгээ үзүүлэх цэгийг нэвтрээгүй хүнд ойролцоогоор харуулна. Та нийтэд нээлттэй болгосон мэдээллээ сонгохдоо үүнийг харгалзана уу.

Зөвхөн хүсэлтийн нөгөө талд: хүсэлтэд бичсэн утас, хаяг, газрын зураг дээрх цэг, мессеж, зураг.

Үйлчилгээг үзүүлэхэд зайлшгүй шаардлагатай хэмжээнд дараах байгууллага бидний өмнөөс мэдээлэл боловсруулна:

• Supabase Inc. — өгөгдлийн сан, нэвтрэлт, файлын хадгалалт (серверүүд Сингапурт);
• DigitalOcean LLC — вэб сервер (Сингапурт);
• QPay (Монгол Улс) — төлбөр хүлээн авах, и-баримт;
• Verify.MN (Монгол Улс) — утасны дугаар баталгаажуулах;
• OpenStreetMap Nominatim (Европ) — газрын зураг дээр тэмдэглэсэн цэгийн хаягийг тодорхойлох;
• OpenFreeMap (Европ) — газрын зургийн дэвсгэр; таны хөтөч шууд холбогдоно.

Цаашид ДАН системээр баталгаажуулах боломж нэмэгдвэл түүнийг энд нэмж, таны зөвшөөрлийг урьдчилан авна. Төрийн байгууллагад зөвхөн хуульд заасан үндэслэл, журмаар мэдээлэл өгнө.

Платформын өгөгдлийн сан, сервер Сингапурт байрладаг тул таны мэдээлэл Монгол Улсын хилээс гадна хадгалагдана. Үүнийг та бүртгүүлэхдээ тусгайлан зөвшөөрнө (Хувь хүний мэдээлэл хамгаалах тухай хуулийн 14.1). Серверийн байршлыг өөрчилсөн ч энэ бодлогоор хүлээсэн хамгаалалтын үүрэг хэвээр байна.

Мэдээлэл дамжуулах бүх холболт шифрлэгдсэн (HTTPS), үйлчилгээ үзүүлэгчид мэдээллийн аюулгүй байдлын олон улсын стандартыг мөрддөг. Эрүүл мэнд, биометр зэрэг эмзэг мэдээллийг бид цуглуулдаггүй.

• Бүртгэл, профайл, зар, пост — бүртгэл тань байгаа хугацаанд. Бүртгэлээ устгахад нэр, утас, зураг, тайлбар, байршил зэрэг хувийн мэдээллийг тань тэр даруй устгана.
• Таны бусадтай хийсэн хүсэлт, үнэлгээ — нөгөө талын түүхэнд нэргүй хэлбэрээр үлдэнэ (утас, хаяг, мессежийг устгана).
• Төлбөрийн бүртгэл — татвар, нягтлан бодох бүртгэлийн хуульд заасан хугацаанд.
• Зөвшөөрлийн бүртгэл, аюулгүй байдлын бүртгэл — зөвшөөрөл авснаа нотлох, маргаан шийдвэрлэхэд шаардлагатай хугацаанд.
• Утас баталгаажуулалтын бүртгэл — 7 хоног; хэт олон оролдлогоос хамгаалах болон үзэлт тоолох нууцлагдсан бүртгэл — 2 хоног хүртэл.
• Нөөц хуулбар (backup) — 7 хоног хүртэл; сервер дээрх техникийн лог — 30 хоног хүртэл.

Хуулиар хадгалах үүрэгтэй мэдээллийг устгах хүсэлтийн дагуу устгах боломжгүй бол түүний шалтгааныг тайлбарлана. Хадгалах үндэслэл дууссан мэдээллийг устгах эсвэл таних боломжгүй болгоно.

Хувь хүний мэдээлэл хамгаалах тухай хуулийн 16 дугаар зүйлд заасны дагуу та:

• өөрийн тухай мэдээллийн хуулбарыг цахим хэлбэрээр үнэ төлбөргүй авах — «Миний бүртгэл» → «Миний мэдээлэл» хэсгээс татаж авна;
• буруу мэдээллээ засах — профайлаа засах хэсгээс;
• мэдээллээ устгуулах, зөвшөөрлөө цуцлах — «Миний мэдээлэл» хэсгээс бүртгэлээ устгана. Зөвшөөрөлгүйгээр платформыг ашиглах боломжгүй тул бүртгэл устгагдана. Зөвшөөрөл цуцалсан нь түүнээс өмнө хууль ёсоор хийсэн боловсруулалтыг хууль бус болгохгүй;
• мэдээллээ хэрхэн боловсруулж буйг асууж, гомдол гаргах — 12 дугаар хэсэгт заасан хаягаар, мөн Хүний эрхийн үндэсний комисс эсвэл шүүхэд хандах эрхтэй.

Хүсэлтэд тань ажлын 15 өдрийн дотор хариулна.

Нууц үгийг шифрлэн хадгална, бүх холболт HTTPS-ээр явна, өгөгдлийн санд зөвхөн серверээр дамжин хандана, мэдээлэлд хандах эрхийг үүргийн шаардлагаар хязгаарлаж, админы эрхийг хүсэлт бүрт шалгана, нөөц хуулбар, техникийн бүртгэл хөтөлнө.

Мэдээлэл алдагдсан тохиолдолд эрсдэлийг хязгаарлаж, шалтгааныг шалгаад нөлөөлөлд өртсөн хүмүүст даруй мэдэгдэж, хуульд заасан байгууллагад мэдээлнэ. Нууц үг, утасны дугаар, баталгаажуулалтын хэрэгслээ хамгаалах нь таны үүрэг.

Платформыг зөвхөн 18 нас хүрсэн хүн ашиглана. 18 хүрээгүй хүн бүртгүүлсэн нь илэрвэл бүртгэлийг устгана.

• нэвтрэлтийн күүки — таныг нэвтэрсэн хэвээр байлгах;
• сонгосон байршил, хэл — хайлтыг таны байршлаар харуулах;
• «Ойрхон нь эхэнд» эрэмбэлэхдээ зөвшөөрсөн бол таны ойролцоо байршил (бүхэлдсэн) — зайг тооцоолох.

Бид сурталчилгааны болон гуравдагч талын хянах күүки ашигладаггүй.

Хувийн мэдээлэлтэй холбоотой хүсэлт, гомдлоо хуудасны дээд хэсэгт заасан и-мэйлээр илгээнэ үү.

Бодлогыг өөрчлөх бол шинэ хувилбарыг хүчин төгөлдөр болохоос өмнө нийтэлж, нэвтэрсэн хэрэглэгч бүрээс дахин зөвшөөрөл авна. Хүчин төгөлдөр болсон өдрийг хуудасны дээд хэсэгт заав.